وزیراعظم عمران خان دی سعودی ولی عہد دے تاریخی دورے دے اختتام تے شہزادہ محمد بن سلمان دے رلے میڈیا نال مشترکہ گال مہاڑ

اسلام آباد ۔ 18 فروری (اے پی پی) وزیراعظم عمران خان آکھیے جو پاکستان دا مخصوص جغرافیائی و سٹرٹیجک محل وقوع اتے سعودی عرب دی خصوصی اہمیت ہک ایجھا امتزاج اے جیرھا جو اساڈے مستقبل کیتے بہوں اہم اے ، ولی عہد شہزادہ محمد بن سلمان دے دورہ پاکستان نال میکوں بہوں خوشی تھی اے ، سعودی عرب دیاں جیلاں اچ قید 2107 پاکستانیاں دی رہائی دے اعلان تے ولی عہد دا خصوصی شکریہ ادا کریندوں تے جڈاں جو سعودی ولی عہد شہزادہ محمد بن سلمان آکھیے جو پاکستان اچ او اپنڑے گھر جیہا محسوس کریندے پن ، سعودی عرب پاکستان دے مستقبل تے یقین رکھیندے ، پاکستان ڈے بہوں سارے موقع تے استعداد موجود اے، 2030ءاچ پاکستان چین تے بھارت دے بعد تریجھی وڈی معیشت ہوسی ، ترقی دے سفر اچ پاکستان تے رلے ہوسوں ۔ سنوار کوں سعودی ولی عہد دے تاریخی دورہ پاکستان دے اختتام تے سعودی مہمان ولی عہد شہزادہ محمد بن سلمان دے رلے میڈیا نال گال مہاڑ کریندے ہوئیں انہاں آکھیا سعودی عرب پاکستان اچ سرمایہ کاری کر یندا پے جیرھا کجھ اج اساں کیتے او حالی آغاز اے ، مستقبل اچ ڈوہیں ملکاں دے سانجھے فائدے کیتے اساں پاکستان دے رلے تعاون جاری رکھیسوں۔

مضمون کا ماخذ : سامراا سپلٹ

متعلقہ مضامین