وزیر خارجہ شاہ محمود قریشی دی صدارت اچ مشاورتی کونسل امور خارجہ دا چھیواں ا جلاس وزیراعظم عمران خان دی او آئی سی اجلاس اچ شرکت، چینی نائب صدر دے حالیہ دورہ پاکستان سمیت اہم علاقائی تے عالمی امور تے گالھ مہاڑ کیتی گی

اسلام آباد ۔ 12 جون (اے پی پی)وزیر خارجہ شاہ محمود قریشی دی صدارت اچ بدھ کوں خارجہ امور دی مشاورتی کونسل دا چھیواں ا جلاس تھیا۔ جیندے اچ وزیراعظم عمران خان دی او آئی سی اجلاس اچ شرکت، چینی نائب صدر دے حالیہ دورہ پاکستان سمیت اہم علاقائی تے عالمی امور تے گالھ مہاڑ کیتی گی۔ایں موقع تے شاہ محمود قریشی دا آکھنڑ ہا جوپاکستان خطہ اچ سارے ہمسایہ ملکاں دے نال برابری دی بنیاد تے امن تعلقات چاہندے، ملک دے معاشی استحکام اتے اپنڑیں سفارتکاری کو ں بیا چنگا بنڑاونڑ سانگے موثر حکمت عملی استعمال کرنڑ دی کوشش کریندے پئے ہسے، پاکستان خطہ اچ امن تے استحکام سانگے افغان امن عمل اچ اپنڑاں مصالحاتی کردار جاری رکھیسی۔ اجلاس اچ سابق سفیراں، سابق خارجہ سیکرٹریز، انٹرنیشل امور دے ماہرین اتے بئے ارکاناں شرکت کیتی۔ اراکین مشاورتی کونسل او آئی سی اجلاس اچ وزیراعظم عمران ولوں مسئلہ کشمیر اتے فلسطین کوں عالمی سطح تے اجاگر کرنڑ اتے ناموس رسالت دے حوالے نال واضح اتے ڈو ٹوک موقف ڈیونڑ تے عمران خان دی تعریف کیتی۔ وزیر خارجہ شاہ محمود قریشی وزارت خارجہ دے کثیر الجہتی امور اچ مدد ڈیونڑ تے مشاورتی کونسل امور خارجہ دے ارکاناں دا خصوصی شکریہ ادا کیتا۔

مضمون کا ماخذ : خداؤں کی عمر

متعلقہ مضامین